One Step Foot Forward

Narinig nyo ba ang pahayag kahapon ni Senator Mar Roxas sa isang press conference na isinagawa ng partido liberal



Opo, nagpaubaya na si Mar Roxas para kay Noynoy Aquino sa darating na halalan sa 2010. Si Noynoy Aquino na po ang pambatong manok ng partido liberal para sa pagkapangulo ng ating bansa. Sa darating na ika 9 ng septyembre, Ihahayag na po ni Noynoy Aquino ang kanyang nabuong desisyon alin sunod na din sa napagkasunduan ng pamilya Aquino.

Maaring ito na nga po ang isa sa naging pinaka malaking hakbang sa mundo ng pulitika. Ang pagbibigay ng daan tungo sa iisang mithiin ay isang kahanga hangang gawain.

Nanalaytay sa dugo ni Noynoy ang legacy ng kanyang Ama at Ina. "Hindi mo po naman siguro hihiyain ang iyong Ama at Ina na nagbuwis ng buhay maisa ayos lamang nila ang demokrasya."

Ako po ay saludo sa ginawa ni Mar Roxas. Maari mang "politics wise" ang kanyang naging hakbang ngunit dapat pa rin natin siya papurian dahil sa ginawa nyang pagsuko ng personal na hangarin na makapaglingkod sa bansa. Maari ka naman maglingkod at tumulong sa kapwa kahit walang kaakibat na titulo hindi po ba?

Ang hakbang nga ba na ito ay isang hakbang patungo sa pagbabago at muling pagbangon ng pilipinas? Nasa kamay po natin ang ating boto. Maging mapanuri sa mga kaganapan. Nasa kamay po niyo ang aming kinabukasan!





Bookmark and Share

0 Response to "One Step Foot Forward"

Post a Comment