.

Nasasadlak na nga yata sa putikan ang ating sambayanan. Wala pa mang nananalo sa eleksyon mga kuya eh wala na agad ginawa ang mga pulitiko kung hindi magtapunan ng putik sa isat isa.. Wari ba'y sayang saya pa sila na nag mumukha silang katawa tawa sa mga kalokohan nila.



Nakaligo ka na ba sa dagat ng basura? Pero napagalamang walang kasing yaman ang pulitiko na ito. Malaking lupain sa Las Pinas at Cavite ay pagaari na nya. Opo pinaghirapan naman talaga niya ang lahat ngunit sa isang banda. Naisip ko lang po.

"Kung naging mahirap ka, alam mo kung gaano kahalaga ang pera. Bilyon na ang nagagastos ng isang awiting nagsasabing hindi bawal mangarap ang mahirap. Alam mo kung gaano kahirap ang pera. Uubusin mo lang sa pamumulitika!"

Batuhan ng putik. May isang kandidato naman na inaakusahang may pagkukulang daw sa isip. Kulang nga ba? O baka naman sobra sobra?

Wala po akong gustong panigan sa mga sulatin ko sa blog na ito. Laban na kung laban. Siguraduhin nyo po lamang sana na kinabukasan ang makikinabang.

kanyang larawan ang eleksyon. Putik at Pulitika wala na po ba talagang kakaiba?

Ako po ay nagtanong tanong na sa mga kaibigan at kalaro kung sino sa tingin nila ang dapat malagay sa pinakamataas na posisyon ng ating pamahalaan sa darating na eleksyon. At ito po ay ilan sa mga narinig ko na komento nila

"Si Erap pa din... Pagbigyan muli! Erap para sa mahirap!" -Aling minda

"Si Gibo kasi nararamdaman ko na kahit nasa likod nya sila Arroyo eh mayroon siyang sariling paninindigan at talaga namang intelehente pagdating sa pag sagot nya sa mga forums" - Ate Jesmae

"Si Villar... Napanood ko sya sa tondo nung na kanila ate mina ako, At kumbinsido naman ako sa mga tao na nagiindorso(mga artista) sa kanya" -Kuya Mario

"Si Noy-noy. Tiwala ako sa kung ano man ang kayang gawing pagbabago ng mga Aquino. Di niya bibiguin ang pangarap ng kanyang mga magulang" -Tito Jiovan

"Si Dick Gordon sana kaya lang mukhang hindi naman gagawa ng ingay eh" - Tomas

"Si Brother Eddie, JIL, Kapanalig" -Prima

Mayroon din namang pabirong sagot.

"Si Erap. Para tuloy tuloy ang paghihirap" - Japet

"Si Prospero Pichay. Pechay! Pechay! Pechay!!!" -Krisy

"Si Kuya Mar - DI KO KAYO PABABAYAAN" -Topeng

"Ke Manny Pacquiao ako. Madaming Pera eh. Me krista pa!" -Boying

Mayroon din namang masasakit na puna.

"Si Noy-Noy sana kaya lng bakit nagbabasa ata siya sa tuwing me forum. Di ba ma memorize?" -jit

"Si Gibo sana. Talon muna siya sa bangka ni arroyo" -Ferds

"Si Villar. Mayaman eh. Daming lupain. Enge!"

Nalalapit na po ang halalan. Maging mapagmasid. Pangalagaan ang demokrasya. Maging mapanuri sa darating na eleksyon.

Mga Mata ni Juan
panulatkamay: gisingpepe

Mga mata nyo ba ay nababayaran? Magkano po?
Limampung piso hanggang limang daan?
Isipin nyo po muna kung ang gawaing ito
ay para ba sa kabutihan.

Mga mata na nagsisilbing tanglaw sa madilim
na kasalukuyan. Patungo sa bukas na
puno ng ligaya at katiwasayan.

Mga mata nyo po ang aming tanging sandalan
aming pangarap at kinabukasan,
Tiwala ako, hindi kailanman mababayaran.

Ipaglalaban ang bawat karapatan,
sa lahat ng pagkakataon susubaybay
at hindi ka tatalikuran.

Maging mapagmasid sa halalan
boto po natin - atin lahat bantayan,
pagkat mata ni juan di mabibili ng kahit na
anong tindahan.

Eleksyon nanaman mga ate at kuya. Me iboboto ka na ba? May napipisil ka na ba na kandidato eka nga nila?

"Tayo po ang simula"

Simulan ang pagbabago para sa kinabukasan. Ang mga kahapong kamalian ay atin nang iwasan. Hindi pa ba tayo natuto sa ating nakaraan?

Pagkamatay ng ilang tao dahil sa karahasan? Bunga ng ano mga kuya? Bunga ng walang katapusang kasakiman!. Kasakiman sa kapangyarihan. Kasakiman sa Katungkulan.

Na kanino ang pagasa? Nasa ating kamay po ang pagasa. Kayong mga botante, hawak ninyo po ang pagbabago para sa aming mga kabataan na ang tanging hiling ay maayos na kinabukasan.

Sabi nga po noon sa aming simbahan. Simulan po natin ang pagbabago sa loob nang tahanan. Iwasto lahat nang kamalian. Ang pagbabago ay hindi biglaan. Isang mahabang proseso na dapat simulan sa ating tahanan.

Ang taong pinalaki ng magulang ng wasto at mayroong lubos na pagmamahal at pananalig sa diyos, kailanman hindi matutukso sa kahit na anong kasalanan.

Ang Pagbabago po ay nasa ating mga kamay. Isang taon mula ngayon. Tanawin sana namin ang aming kinabukasan ng may liwanag at ngiti sa aming puso at isipan.